៦៨- កូនមាសពន្លក

កូនសម្លាញ់ម្តាយកុំរៀនស្តីជេរ                 កុំពោលកាច់គេណាមាសកូនអើយ

បើមានសំណួរណាពុំគួរឆ្លើយ              ឪកូនប្រាប់ហើយឆ្លើយត្រឹមញញឹម។

បណ្តាំឪកូន ក ខ នាំមុខ                          ក ជួរក្រោយទុកឱ្យកូនសង្ឃឹម

ម៉ែស្រឡាញ់កូនឥតមានអ្វីផ្ទឹម                  ពុកកូនសង្ឃឹមតែងជួយរំលឹក។

កកូនមាសស្ងួននួនមាសឪពុក                  ខ ខានជួបមុខពុកម៉ែសែននឹក

គគិតដល់កូនរាល់ពេលល្ងាចព្រឹក            ឃឃើញបាយទឹកនឹកកូនពន់ពេក

ងងុយយប់ជ្រៅទៅដេកពុំលក់                  ចចិត្តវីវក់ម្តាយកូនទឹកភ្នែក

ឆឆាប់មកពៅកុំនៅយូរពេក                     ជ ជួបជជែកម្តាយចង់យល់ភ្រក្ត

ឈឈប់ឆេវឆាវទៅពៅពន្លក                   ញញាតិរាប់រកញញឹមរាក់ទាក់

ដ ដឹងគុណទោសចេះស្គាល់​ជ្រៅរាក់         ឋ ឋិតថេរជាក់ គ្មានអ្នក 

អន់អាក់ឌឌឺដៀមដាមនេះ នាំ ឈឺ ចុក      ឍ វឌ្ឍនៈ  សុខកុំ បី ថ្នាំង ថ្នាក់

ណ ណែនាំ ផ្លូវ ម៉ែ ឪ ទុក ដាក់                តតាមបុណ្យស័ក្តិ កុំស៊ីលួចលាក់

ថ ថែទាំ ខ្លួន នួន មាស ឪ ពុក                 ទទៅថ្ងៃ មុខ ពុក ម៉ែពឹងអ្នក

ធធនធានមានញាតិហ៊ានពឹងពាក់           ន នាំឱ្យ អ្នក រុង រឿងអនេក

បបើបាត់ មុខ បាត់ ឱ្យ គេ នឹក                 ផ ផឹកត្រឹម ទឹកស្មារតី ល្អឯក

ពពាក្យពិសពុលនាំឈ្លោះប្រកែក             ភភ័យអល់អែកព្រោះតែបែកបាក់

មមិត្តផឹក ស៊ី កុំ សង្ឃឹម ពេក                   យ យប់ចូលដេកកុំភ្លេចទុកដាក់

រ រៀនរកស៊ីកុំហ៊ាន ហួសប្រាក់                ល លុយជំពាក់តែងនាំ ទឹកភ្នែក

វវ័យសិក្សារៀន ឱ្យជាក់លាក់                  សសូមឱ្យអ្នកចេះគិត វែកញែក

ហ ហាត់សូត្រធម៌មុនចូលដំណេក          ឡ ឡើងពី ដេកកុំនៅ សំកុក 

អអស់ពី ឪ ពៅ ត្រូវ លៃលក                   កខ យកមក រស់ ជុំ អ្នក ស្រុក

កជួរក្រោយនៅត្រូវចាំពាក្យពុក                តទៅថ្ងៃមុខ កាន់តែ លំបាក

 ដោយឧបាសក គុយ  សុធន

       

                                                            (សៀវភៅកូនមាសឪពុក ទំព័រ ១៤២)