៣៦- ពីនេះពីនោះ

ចិញ្ចឹមសត្វឆ្កែគង់ចោររអា                     ចិញ្ចឹមសត្វឆ្មាបង្ការកណ្តុរ

ចិញ្ចឹមលោភៈទោសៈមោហោ                 ដូចចិញ្ចឹមចោរទុកបង្កើតភ័យ។

ជួយសត្វតិរច្ឆានដែលមិនមានពិស         ជាជាងជួយមនុស្សមានចិត្តអប្រិយ

នៅស្ងៀមចាំស្តាប់ចាប់យកសេចក្តី          ជាជាងពោលស្តីឥតក្តីអៀនខ្មាស។

ធ្មេចបើកធ្មេចបើកកន្លងច្រើនឆ្នាំ             តើលោកអ្នកចាំបានធ្វើអ្វីខ្លះ

សាងបុណ្យកុសលឬបាបកម្មក្រាស់        គួរគិតរហ័សចាស់រៀនមានក្បួន។

គ្មានអ្វីមានទុក្ខស្មើបញ្ចក្ខន្ធ                    គ្មានអ្វីប្រកាន់ស្មើនឹងតួខ្លួន

គ្មានអ្វីសំខាន់ស្មើធាតុទាំងបួន                គ្មានអ្វីមាំមួនស្មើកម្លាំងចិត្ត។

ទឹកធ្លាក់លើថ្មលំអធម្មជាតិ                    យសស័ក្តិប្រាក់ញាតិលំអជីវិត

កងបុណ្យកុសលលំអផ្លូវចិត្ត                  ឯខន្តីពិតលំអអ្នកប្រាជ្ញ។

ដោយឧបាសក គុយ   សុធន

(សៀវភៅជំនួយសតិភាគទី ៥, ទំព័រ២៦១)