ពាក្យគន្លឹះសម្រាប់អ្នកសិក្សាForex

Forex អាចចាត់ទុកថាមិនមែនជាវិស័យមួយដែលថ្មីសម្រាប់សាកលលោកនោះឡើយ តែប្រាកដណាស់វាគឺជាវិស័យមួយដ៏ថ្មីស្រឡាងសម្រាប់អ្នកទាំងឡាយណាដែលទើបតែដឹង និងចង់សិក្សាស្វែងយល់ពីវា។ ជាការពិតណាស់ ប្រសិនបើយើងចង់យល់ពីអ្វីមួយឱ្យបានលឿន និងច្បាស់លាស់ ជំហានដំបូងយើងចាំបាច់ត្រូវដឹង ត្រូវស្គាល់ និងត្រូវចងចាំនូវភាសាដែលគេនឹងប្រើនៅក្នុងផ្នែកដែលយើងមានបំណងនឹងសិក្សានោះជាមុនសិន។ ដរាបណាដែលយើងស្គាល់ពីភាសាដែលយើងត្រូវប្រើបានច្រើនប៉ុនណា យើងនឹងទាញប្រយោជន៍បានកាន់តែច្រើនទៅតាមនោះដែរ។ យ៉ាងណាម៉ិញ នៅទីនេះក៏ដូចគ្នា បើអ្នកចង់យល់ និងចង់ទាញប្រយោជន៍ពីវិស័យForex ជាបឋម អ្នកត្រូវតោងយល់ពីភាសាទាំងឡាយនៅក្នុងវិស័យនេះជាមុនសិន។
ខាងក្រោមនេះគឺជាពាក្យគន្លឹះមួយចំនួនដែលអ្នកត្រូវស្គាល់និងចងចាំ៖

Lot : គឺជាខ្នាតដែលប្រើសម្រាប់កំណត់ទំហំនៃការជួញដូរដែលទាបបំផុតគឺ ០.០១Lot (Standard Lot, Micro Lot) ដែលវានឹងមានទំនាក់ទំនងទៅនឹង Margin និង Contract Size ដោយអាស្រ័យលើ Leverage។
Contract Size: ជាទំហំនៃកិច្ចសន្យាក្នុងការជួញដូរ។ វាអាចមានភាពខុសគ្នាអាស្រ័យលើប្រភេទនៃឧបករណ៍ជួញដូរ(Currency, Commodity, Oil...)ជាដើម។ ជាទូទៅសម្រាប់ Currency ប្រសិនបើអ្នកជួញដូរក្នុងទំហំ១Lot មានន័យថាអ្នកប្រើដើមទុនស្មើរនឹង១០០,០០០ឯកតា នៃរូបិយបណ្ណគោល (Base Currency) ចូលក្នុងទីផ្សារ ដើម្បីរំពឹងផលចំណេញ។
Spread: គឺជាគម្លាតតម្លៃលៃនៃការទិញ-លក់ (Ask Price - Bid Price) ហើយធនាគារ ឬឈ្មួញកណ្តាល នឹងទទួលបានផលចំណេញពីគម្លាតថ្លៃនេះឯង
Commission: ជាកម្រៃជើងសារបន្ថែមទៀត ដែលអាចវាអាចនឹងខុសគ្នាអាស្រ័យលើល័ក្ខខណ្ឌរបស់ឈ្មួញកណ្តាល(Brokers) ដែលផ្តល់ជូនអតិថិជនរបស់ខ្លួន
Swap: ជាចំណាយបន្ថែមដែលអ្នកត្រូវបង់ ឬទទួលបានមកវិញទៅលើប្រតិបតិ្តការទាំងឡាយដែលពុំទាន់បានបញ្ចប់ក្នុងថ្ងៃដែលអ្នកបានបើកប្រតិបត្តិការទិញឬលក់ ដោយអាស្រ័យទៅលើប្រភេទនៃប្រតិបត្តិការរបស់អ្នក ហើយអ្នកនឹងត្រូវបង់ ឬទទួលបាន ជារៀងរាល់ថ្ងៃសម្រាប់រាល់ប្រតិបតិ្តការទាំងឡាយណាដែលអ្នកមិនទាន់បានបញ្ចប់ក្នុងថ្ងៃតែមួយដែលអ្នកបានបើកប្រតិបត្តិការទិញឬលក់នោះ។
Pending Order: ជាបញ្ជាកំពុងរង់ចាំ ដែលប្រើដើម្បីកំណត់ទីតាំងនៃតម្លៃដែលនឹងបើកប្រតិបត្តិការដោយស្វ័យប្រវត្តិ ក្នុងករណីអ្នកមិនបានតាមដានទីផ្សារជាប់លាប់ ឬតម្លៃបច្ចុប្បន្នមិនមែនជាទីតាំងដែលអ្នកត្រូវបើកប្រតិបត្តិការទិញឬលក់។ ម៉្យាងវិញទៀត វាក៏អាចប្រើប្រាស់ដើម្បីការពារហានិភ័យសម្រាប់គណនីរបស់អ្នកបានមួយចំណែកផងដែរ។ ក្នុង Pending Order វាមានជម្រើស ៤ដែលអ្នកអាចប្រើប្រាស់បានតាមតម្រូវការ និងតាមកាលៈទេសៈ។ ជម្រើសទាំង៤នោះមានដូចជា៖ Sell Limit, Buy Limit, Sell Stop and Buy Stop។
Sell Limit: កំណត់ការលក់។ ប្រើដើម្បីកំណត់ទីតាំងនៃតម្លៃដែលនឹងបើកប្រតិបត្តិការលក់ដោយស្វ័យប្រវត្តិនៅពេលដែលតម្លៃបច្ចុប្បន្នឡើងដល់ទីតាំងដែលអ្នកបានកំណត់។ អ្នកត្រូវប្រើវានៅខាងលើតម្លៃបច្ចុប្បន្ន(Current Price) ដោយរំពឹងថា នៅពេលដែលតម្លៃបច្ចុប្បន្នឡើងដល់តម្លៃដែលអ្នកបានកំណត់ការលក់ វានឹងធ្លាក់តម្លៃទាបជាងមុនជាបន្តបន្ទាប់។
Buy Limit: កំណត់ការទិញ។ ប្រើដើម្បីកំណត់ទីតាំងនៃតម្លៃដែលនឹងបើកប្រតិបត្តិការទិញដោយស្វ័យប្រវត្តិនៅពេលដែលតម្លៃបច្ចុប្បន្នចុះដល់ទីតាំងដែលអ្នកបានកំណត់។ អ្នកត្រូវប្រើវានៅខាងក្រោមតម្លៃបច្ចុប្បន្ន(Current Price) ដោយរំពឹងថា នៅពេលដែលតម្លៃបច្ចុប្បន្នចុះដល់តម្លៃដែលអ្នកបានកំណត់ការទិញ វានឹងកើនតម្លៃខ្ពស់ជាងមុនជាបន្តបន្ទាប់។
Sell Stop: ប្រើដើម្បីកំណត់ទីតាំងនៃតម្លៃដែលនឹងបើកប្រតិបត្តិការលក់ដោយស្វ័យប្រវត្តិនៅពេលដែលតម្លៃបច្ចុប្បន្នចុះដល់ទីតាំងដែលអ្នកបានកំណត់។ អ្នកត្រូវប្រើវានៅខាងក្រោមតម្លៃបច្ចុប្បន្ន(Current Price) ដោយរំពឹងថា នៅពេលដែលតម្លៃបច្ចុប្បន្នចុះដល់តម្លៃដែលអ្នកបានកំណត់ការលក់ វានឹងបន្តធ្លាក់តម្លៃទាបជាងមុនជាបន្តបន្ទាប់។
Buy Stop: ប្រើដើម្បីកំណត់ទីតាំងនៃតម្លៃដែលនឹងបើកប្រតិបត្តិការទិញដោយស្វ័យប្រវត្តិនៅពេលដែលតម្លៃបច្ចុប្បន្នឡើងដល់ទីតាំងដែលអ្នកបានកំណត់។ អ្នកត្រូវប្រើវានៅខាងលើតម្លៃបច្ចុប្បន្ន(Current Price) ដោយរំពឹងថា នៅពេលដែលតម្លៃបច្ចុប្បន្នឡើងដល់តម្លៃដែលអ្នកបានកំណត់ការទិញ វានឹងកើនតម្លៃខ្ពស់ជាងមុនជាបន្តបន្ទាប់។
Market Execution: ជាជម្រើសដែលប្រើដើម្បីផ្គូរផ្គងទៅកាន់ទីផ្សារភ្លាមៗក្នុងតម្លៃបច្ចុប្បន្នដោយយោងទៅលើតារាងតម្លៃនៃការបញ្ជារទិញ-លក់ (Bid Price-Ask Price)
Bid Price: ជាតម្លៃខ្ពស់បំផុតដែលអ្នកទិញហ៊ានទិញ ឬជាតម្លៃដែលអ្នកលក់នឹងទទួលបាន ដែលជាទូទៅ Bid Price តែងនៅទាបជាង Ask Price ជានិច្ច
Ask Price: ជាតម្លៃទាបបំផុតដែលអ្នកលក់នឹងលក់ ឬជាតម្លៃដែលអ្នកទិញនឹងទទួលបាន ដែលជាទូទៅ Ask Price តែងនៅទាបជាង Bid Price ជានិច្ច
Sell: ជាជម្រើសសម្រាប់បើកប្រតិបត្តិការលក់ភ្លាមៗ ក្នុងតម្លៃដែលអ្នកលក់នឹងទទួលបាន(Bid Price)
Buy: ជាជម្រើសសម្រាប់បើកប្រតិបត្តិការទិញភ្លាមៗ ក្នុងតម្លៃដែលអ្នកទិញនឹងទទួលបាន(Ask Price)
Leverage: Leverage នៅទីនេះ សំដៅដល់មេគុណនៃដើមទុន ឬអនុភាពពង្រីកដើមទុន។ ឧទាហរណ៍ថាយើងបើកគណនីមួយដោយតម្កល់លុយក្នុងគណនីចំនួន១,០០០$ ប្រសិនបើយើងជ្រើសរើសយក

- Leverage 1:1 យើងអាចធ្វើកុងត្រា(Contract)ដើម្បីដោះដូរក្នុងទីផ្សារច្រើនបំផុតត្រឹមតែ ១,០០០$ប៉ុនណោះ

- Leverage 1:50 យើងអាចធ្វើកុងត្រា(Contract)ដើម្បីដោះដូរក្នុងទីផ្សារច្រើនបំផុតរហូតដល់៥០,០០០$

- Leverage 1:1០០ យើងអាចធ្វើកុងត្រា(Contract)ដើម្បីដោះដូរក្នុងទីផ្សារច្រើនបំផុតរហូតដល់ ១០០,០០០$

- Leverage 1:1០០០ យើងអាចធ្វើកុងត្រា(Contract)ដើម្បីដោះដូរក្នុងទីផ្សារច្រើនបំផុតរហូតដល់ ១,០០០,០០០$

ក្នុងពេលបើកគណនី ភាគច្រើនBrokers នឹងផ្តល់ជម្រើសនៃLeverage ដោយអាស្រ័យលើប្រភេទនៃគណនីជួញដូរ ដែលយើងអាចជ្រើសរើសមួយណាដែលយើងគិតថាសក្តិសមបំផុតសម្រាប់ការកេងចំណេញទៅលើប្រតិបត្តិការនៃការដោះដូររបស់ខ្លួន។

*** សូមប្រុងប្រយ័ត្នត្រង់ចំណុចនេះ ដោយសារ ប្រសិនបើអ្នកប្រើប្រាស់ Leverage កាន់តែធំ នឹងផ្តល់លទ្ធភាពឱ្យអ្នកបើកប្រតិបត្តិការជួញដូរបានកាន់តែច្រើន នោះលទ្ធផលចំណេញឬខាត ក៏នឹងប្រែប្រួលខ្លាំងផងដែរ។ បើប្រតិបត្តិការដែលអ្នកកំពុងជួញដូរកំពុងនិងបន្តខាតកាន់តែខ្លាំង ដើមទុនរបស់អ្នកក៏នឹងថមថយទៅតាមនោះដែរ ហើយគណនីរបស់អ្នកក៏នឹងប្រឈមនឹងហានិភ័យខ្ពស់ខ្លាំងទៅៗផងដែររហូតដល់អ្នកគ្រប់គ្រងលែងបាន ហើយប្រតិបត្តិការទាំងឡាយនឹងត្រូវបញ្ចប់ដើម្បីទូទាត់ និងផ្តល់សាច់ប្រាក់ងាយស្រួលដល់បណ្តាអ្នកជួញដូរដទៃទៀតក្នុងទីផ្សារ Forex។

Margin: ជាតួលេខនៃទឹកប្រាក់របស់អ្នកដែលបានដាក់តម្កល់ក្នុងទីផ្សារដោយមិនទាន់ប្រើប្រាស់អានុភាពពង្រីកដើមទុន(Leverage) ហើយចំនួននេះ នឹងត្រូវគុណជាមួយអានុភាពពង្រីកដើមទុន ដើម្បីបង្កើតទំហំនៃកិច្ចសន្យា(Contract Size) ដែលអ្នកនឹងព្រមព្រៀងជួញដូរនៅក្នុងទីផ្សារជាក់ស្តែង។ ឧទាហរណ៍ៈ Margin= 50$, Leverage= 1:100, Made The Contract Size = 5,000$
Margin Level: កម្រិតជាភាគរយនៃទឹកប្រាក់ដែលនៅសល់សម្រាប់បន្តចូលទីផ្សារបន្ថែមទៀត។ ដើម្បីគណនា Margin Level គេត្រូវយក EquityធៀបនឹងMargin។ ម្យ៉ាងវិញទៀតវាក៏នឹងបង្ហាញនូវកម្រិតនៃហានិភ័យដែលគណនីរបស់អ្នកកំពុងប្រឈមផងដែរ។ កម្រិត Margin Level កាន់តែទាប បង្ហាញថាគណនីជួញដូររបស់អ្នកកំពុងតែប្រឈមនឹងហានិភ័យកាន់តែខ្លាំង។
Margin Call : តម្រូវការដើមទុនបន្ថែមនៅពេលដែលគណនីជួញដូរស្ថិតក្នុងហានិភ័យកម្រិតខ្ពស់។ ជាទូទៅវានឹងផ្តល់នូវសញ្ញា(Margin Call) ពេលដែល Margin Level ធ្លាក់ដល់ក្រោម១០០% ហើយរាល់ប្រតិបតិ្តការទាំងអស់នឹងបិទ ប្រសិនបើ Margin Level ធ្លាក់ដល់កម្រិតបញ្ចប់(Stop Out Level) ដែលបានកំណត់អាស្រ័យលើល័ក្ខខណ្ឌនៃឈ្មួញកណ្តាលកណ្តាលឧបករណ៍និស្សន្ទនីមួយៗ (Brokers)។
Stop Loss: បញ្ឈប់ការខាតបង់។ វាជាជម្រើសល្អមួយដើម្បីបញ្ជៀសនូវការខាតបង់ធ្ងន់ធ្ងរ ហើយវាក៏ជាជម្រើសដែលអាក្រក់មួយផងដែរប្រសិនបើអ្នកមិនបានសិក្សាឱ្យបានច្បាស់លាស់ពីទីតាំងដែលអ្នកគួរកំណត់នូវ Stop Loss នេះទេនោះ។ ប្រសិនបើអ្នកលក់(Sell) អ្នកត្រូវប្រើ Stop Loss នៅខាងលើតម្លៃដែលអ្នកបានលក់ ឬខាងលើតម្លៃបច្ចុប្បន្ន (Current Price) តែប្រសិនបើអ្នកទិញ (Buy) អ្នកត្រូវប្រើ Stop Loss នៅខាងក្រោមតម្លៃដែលអ្នកបានទិញ ឬខាងក្រោមតម្លៃបច្ចុប្បន្ន (Current Price)។
Take Profit : ទទួលផលចំណេញ។ អ្នកប្រើប្រាស់វាជាជំនួយករណីអ្នកមិនបានតាមដានទីផ្សារជាប់លាប់។ ការកំណត់នូវ Take Profit ក៏ចាំបាច់ត្រូវសិក្សាពីទីតាំងដែលគួរកំណត់ឱ្យបានច្បាស់លាស់ផងដែរ។ ប្រសិនបើអ្នកលក់(Sell) អ្នកត្រូវប្រើ Take Profit នៅខាងក្រោមតម្លៃដែលអ្នកបានលក់ ឬខាងក្រោមតម្លៃបច្ចុប្បន្ន (Current Price) តែប្រសិនបើអ្នកទិញ (Buy) អ្នកត្រូវប្រើ Take Profit នៅខាងលើតម្លៃដែលអ្នកបានទិញ ឬខាងលើតម្លៃបច្ចុប្បន្ន (Current Price)។
MT4: ជាឈ្មោះកម្មវិធីសម្រាប់ធ្វើការជួញដូរបានរហ័សនិងងាយស្រួល ដែលក្នុងនោះមានគន្លឹះជាច្រើនដែលអ្នកត្រូវសិក្សាបន្ថែម
Trilling Stop: ជាជម្រើសដែលប្រើសម្រាប់រំកិល Stop Loss ប្រដេញតាមផលចំណេញដោយស្វ័យប្រវត្តិ ដោយអាស្រ័យលើចំនួន Points (10 points = 1Pip) ដែលអ្នកបានកំណត់។ ជម្រើសនេះនឹងធ្វើប្រតិបត្តិការដោយស្វ័យប្រវត្តិនៅពេលដែលប្រតិបត្តិការក្នុងទីផ្សារដែលអ្នកបានទិញ-លក់ ទទួលបានផលចំណេញលើសពីចំនួន Points ដែលអ្នកបានកំណត់ក្នុង Trilling Stop។
Pips : ជាខ្នាតដែលប្រើសម្រាប់វាស់វែងបរិមាណនៃបម្រែបម្រួលថ្លៃនៃរូបិយបណ្ណក្នុងទីផ្សារ ឬបរិមាណនៃផលចំណេញ-ខាត ទៅលើប្រតិបត្តិការដែលអ្នកបាននិងកំពុងជួញដូរក្នុងទីផ្សារ។
Indicator: ជាសូចនាករសម្រាប់កំណត់ វាស់វែង ឬព្យាករណ៍ទៅលើក្រាហ្វិកនៃឧបករណ៍ជួញដូរទាំងឡាយនៅក្នុងទៅផ្សារ ដើម្បីរកទីតាំងសមស្របសម្រាប់បើកប្រតិបត្តិការទិញលក់របស់អ្នក។
Balance: ជាសមតុល្យសរុបក្រោយពេលប្រតិបត្តិការនីមួយៗបានបញ្ចប់។ (Balance =Equity ± Profit/Loss)
Equity: ជាដើមទុនជាក់ស្តែងដែលអ្នកកំពុងមាន ដោយវាអាចកើនឡើង ឬថយចុះ ក្នុងកំឡុងពេលដែលប្រតិបត្តិការទិញ-លក់ ក្នុងទីផ្សារមិនទាន់បញ្ចប់ ( Equity = Balance ± Profit/Loss)
Base Currency: សំដៅទៅលើរូបិយបណ្ណទាំងឡាយណាដែលឈរទីតាំងខាងមុខនៃគូរជួញដូរនីមួយៗ Ex. EURUSD ដូច្នេះ EUR ជា Base Currency
Quote Currency : សំដៅទៅលើរូបិយបណ្ណទាំងឡាយណាដែលឈរទីតាំងខាងក្រោយនៃគូរជួញដូរនីមួយៗ Ex. EURUSD ដូច្នេះ USD ជា Quote Currency
Major Currency : សំដៅទៅលើរូបិយបណ្ណទាំងឡាយណាដែលមានប្រតិបត្តិការជួញដូរញឹកញ៉ាប់ ភាគច្រើនគឺរូបិយបណ្ណដែលធៀបនឹងប្រាក់ដុល្លារអាមេរិក (EURUSD, USDCAD, USDJPY, USDCHF, GBPUSD, AUDUSD, NZDUSD)

បញ្ជាក់ៈ ការបកស្រាយទាំងឡាយខាងលើនេះ ជាការបកស្រាយដោយយោងទៅលើការយល់ដឹង និងបទពិសោធន៍របស់ខ្ញុំបាទដែលព្យាយាមពន្យល់ជាភាសារខ្មែរតែប៉ុណ្ណោះ។ សម្រាប់អ្នកទាំងឡាយដែលមានចំណេះជ្រៅជ្រះខាងភាសាអង់គ្លេស អាចរកឯកសារផ្សេងៗជាភាសាអង់គ្លេសដើម្បីសិក្សាជាការប្រសើរជាង ដោយហេតុថាចំណេះដឹងខាងភាសាអង់គ្លេសរបស់ខ្ញុំបាទនៅមានកម្រិត។ ជាចុងក្រោយ ខ្ញុំបាទក៏សូមអធ្យាស្រ័យនូវរាល់កំហុសឆ្គងទាំងឡាយដែលកើតឡើងដោយអចេតនា។ សូមអរគុណ៕

Blackwell Global គឺជាក្រុមហ៊ុនឈ្មួយជើងសាឧបករណ៍និស្សន្ទ(Forex Broker)ដែលទទួលបានអាជ្ញាបណ្ណស្របច្បាប់ក្នុងប្រទេសនានាជុំវិញពិភពលោក។ សព្វថ្ងៃនេះ Blackwell Global បានពង្រីកនូវការផ្តល់សេវាកម្មរបស់ខ្លួនមកដល់ប្រទេសកម្ពុជា ដោយទទួលបាននូវអាជ្ញាបណ្ណស្របច្បាប់ជាឈ្មួយជើងសាឧបករណ៍និស្សន្ទពីគណៈកម្មការមួលបត្រកម្ពុជា(SECC)ដែលមានលេខកូដ ០០៥ គ.ម.ក/អ.ជ/ឈ.ឧ. សម្រាប់ប្រតិបត្តិការក្នុងព្រះរាជាណាចក្រកម្ពុជាផងដែរ។ Blackwell Global ផ្តល់ជូនលោកអ្នកនូវលក្ខខ័ណ្ឌល្អប្រសើរក្នុងប្រតិបត្តិការជួញដូរលើឧបករណ៍និស្សន្ទ(Forex Trading)។

សម្រាប់ព័ត៌មានបន្ថែម សូមទំនាក់ទំនងមកកាន់ៈ

លេខទូរស័ព្ទៈ (+៨៥៥)១៥ ៣០ ៨៩ ២០

អ៊ីម៉ែលៈ vay.socheat@blackwellglobal-kh.com